қарулы күштер құрылысын реформалаудың негізгі бағыттары


қарулы күштер құрылысын реформалаудың негізгі бағыттары
Қарулы Күштер құрылысын реформалаудың негізгі бағыттары мынадай болып табылады:
– Қарулы Күштер құрылымын оңтайландыру, Қарулы Күштердің жауынгерлік қабілетіне ықпал етпейтін құрылымдардың санын қысқарту және тарату; – жауынгерлік әзірлікті айқындайтын ұтқыр әскерлерді, әскер салаларын және арнаулы әскерлерді басым дамыту; – басқару жүйесін жетілдіру, қосалқы және тиімсіз буындарды жою, әскери-аумақтық құрылымға көшу және әскери-әкімшілік басқару органдарын құру; – алдыңғы қатарлы елдердің тәжірибесін ескере отырып, Қарулы Күштердің резервін дайындау жүйесін жасау; – әскери инфрақұрылымды дамыту, маңызды стратегиялық бағыттарда қару-жарақ пен техниканы сақтау базаларын жасау; – басқару органдары мен әскерлердің жедел, жауынгерлік және жұмылдыру даярлығының пәрменділігін арттыру; – Қарулы Күштерді материалдық-техникалық қамтамасыз етудің ұтымды жүйесін жасау; – әскери білім беру мен әскери мамандар даярлау жүйесін жетілдіру, ұлттық әскери-ғылыми базаны құру және дамыту; – Қарулы Күштерді жеке құраммен жасақтаудың келісімшарттық кәсіби жүйесіне кезең-кезеңмен көшу, балама әскери қызметті енгізу; – әскери қызметтің беделін көтеру, әскери қызметшілерге, олардың отбасы мүшелеріне, азаматтық қызметкерлерге әлеуметтік кепілдіктерінің ұтымды жүйесін жасау; – әскери-қызметтік қатынастарды ізгілендіру. Қазақстан Республикасы Қарулы Күштерінің құрылысы әскери қауіпсіздікті қамтамасыз етудің мақсаттары мен міндеттеріне сәйкес және мемлекеттің экономикалық мүмкіндіктері есепке алынып, кезең-кезеңмен жүзеге асырыла-тын болады. Бірінші кезеңде – 2002 жылға дейін – күш-жігер мына міндеттерді атқаруға шоғырландырылады: – ұтқыр әскерлерді басым жасақтау, материалдық-техникалық қамтамасыз ету және даярлау; – әскери басқару органдарының құрылымын қайта ұйымдастыру, қосалқы тиімсіз буындарды тарату; – әскерлердің жауынгерлік әзірлігі мен жауынгерлік қабілетіне ықпал етпейтін құрылымдар мен құралымдардың санын қысқарту мен тарату және әскери қауіпсіздікті қамтамасыз ету міндеттерін орындау; – әскери-әкімшілік басқару органдарын құру мен әскери-аумақтық құрылымға көшу; – кейбір әскери лауазымдарды азаматтық қызметкерлердің атқаруы жөніндегі шараларды жүзеге асыру; – әскери бөлімдерді, қару-жарақ пен әскери техниканы елдің аумағында оңтайлы орналастыру жөнінде шаралар қолдану. Екінші кезеңде – 2005 жылдың аяғына дейін – ең басты міндеттер мыналар болып табылады: – байланыс, барлау, радиоэлектрондық күрес, әуе шабуылынан қорғану, көлік авиациясы әскерлерін басым дамыту және техникалық қайта жарақтандыру; – Қарулы Күштерді жасақтау жүйесін жетілдіру, контрактілік қызмет әскери қызметшілерінің санын арттыру; – резервтердің жұмылдыру даярлығы жүйесін қалпына келтіру; – әскери инфрақұрылымды дамыту; – ұзақ мерзімді бағдарлама негізінде Қарулы Күштер үшін мамандар әзірлеу жүйесіне көшу; – қару-жарақ пен әскери техниканы дамытудың мемлекеттік бағдарламасын іске асыру жөніндегі шаралар кешенін жүргізу. Үшінші кезеңде – 2005 жылдан кейін – басты міндет: – Қарулы Күштер түрлерінің, әскер тектерінің және арнаулы әскерлердің құрамында толық жасақталған құрамалар мен бөлімдердің үлес салмағын ұлғайту жолымен әскерлердің сапалық параметрлерін арттыру; – контракт арқылы Қарулы Күштерді жасақтауды шақыру бойынша әскери қызмет өтеу мерзімін қысқартумен және баламалы қызметті енгізумен әрі жұмылдыру ресурстарын даярлау жүйесін жетілдірумен үйлестіре жалғастыру; – әскерлерді жаңа үлгідегі қару-жарақпен және әскери техникамен кезең-кезеңмен техникалық қайта жарақтан-дыру; – әскерлердің жедел, жауынгерлік және жұмылдыру даярлығын толыққанды ресурстармен қамтамасыз ету болып табылады.

Казахский толковый терминологический словарь по военному делу. — Мектеп.